عسى ما زعلتك

عسى ما زعلتك البارح وزودت الجراح جراح
عسى ما مرت الدمعة على أهدابك من أسبابي
جرحتك من كثر شوقي وخليت الكلام رمـاح
ولادري شلون ياعمري طعنتك حيـل بعتابـي
بدون شعور صدقني ترى كثـر الغـلا ذبـاح
تعال وشوف بغيابك غـلاك شلـون سوابـي
حرام تغيب من عمري وتعطيني الفراق وشاح
حرام الدمع في عيني مناديلـه هـي أهدابـي
غيابك يشغل عيون الزوايـا وأمتلـي أشبـاح
وأنا أنثر صوتك بقلب المكان وأشعل أبوابـي
تلفت للأمل دام الرجا فـي عمـري الملـواح
أناديلك ولو شرهة وصولك تقطـع أعصابـي
أبيك الجاي من عمري أنا مابيـك شـي وراح
مدامك أجمـل وأخـر مدامـك أول أحبابـي
أبي أرتاح ياعمري أنا أدري هم تبـي ترتـاح
تعال وقبل ما أفرح ترى تفـرح بـك ثيابـي
أحبك يا بعد عمر الحزن والجرح والأفـراح
أحبك كثر ما نامت عيونـك داخـل أهدابـي