من كثر ما أغليه

الله و اكبر من كثــر مــاني اغليـــه
لا زاد هجرانه...من الوصل زدتـه

عهدي به اصلاً.. مايجي لين اناديـه
واليوم ما جاب النــدا مــا عهدتـه

مليت انادي وانشد الكون وش فيـه؟
ولامن مُجيب الا الصدى لا نشدته

ولا من سألني عقآله.. ويــن راعيـه!
أهذي عليــه.. وأحسب انـــي أفــدته

إحتار صوتي بين الآهات والـ ( ليـه ) ؟
وباقي الحكي ضايــع ولوّي وجدته

تضيق بي دنياي اذا اجـِـيـب طاريـه
حسره على وقت ٍ مـعـه مـا قعدتــه

وقتي يا إمـا ْهجوس والا مشــاريـه
نفس الشريط اليا انتهى..قمت عِـدته

أخفي دموعي بـ إبتسـامات و وجيـه
واوصف جنون ٍ فالهوى ما شهـدتـه

والهــمّ ؟ إبـن ٍ ما اعَرف كيف اربيّــه
والا الفـرح ؟.. جا ميّـت ٍ من ولــدته

يارب ياللــي مالي الا انت اناجيــه
ولا غيــرك احد ٍ في حياتي عبدتـه

خذنـــي اذا انـّي بعد موتي بألاقيــه
وش لي بهــالدنيا عقب ما فقدتة":"